मुक्तिनाथमा राखिने ३५ फिट अग्लो विष्णुको मूर्ति तयार हुँदै
थर्ड पोल
0
मुस्ताङको वारागुङ मुक्तिक्षेत्र गाउँपालिकास्थित प्रसिद्ध तीर्थस्थल मुक्तिनाथमा राखिने विष्णु भगवानको मूर्ति निर्माण भइरहेको छ ।
उक्त ठाउँमा ३५ फिट अग्लो मूर्ति राख्न लागिएको हो ।
मूर्ति निर्माणको काम ४० प्रतिशत सकिएको निर्माण कम्पनी अरनिको स्टोन कार्भिङका धर्मराज शाक्यले जानकारी दिए । यो मूर्ति निर्माण सम्पन्न भएपछि नेपालकै सबैभन्दा ठूलो विष्णु मूर्ति बन्ने छ ।
तत्कालीन राष्ट्रपति विद्यादेवी भण्डारीले २०७९ मा सुरु गरेको यो परियोजनाका लागि शेष घले दम्पतीले ३ करोड ५० लाख रुपैयाँ लगानी गरेका छन् ।
