कारागार सुधारका लागि सरकारले चालेका कदम पर्याप्त छैनन् : सांसद साउद
थर्ड पोल
0
नेपाली कांग्रेसका सांसद एनपी साउदले देशभरका कारागारहरूको अवस्था सुधार गर्न जरुरी रहेको बताएका छन् ।
उनले कारागारलाई दण्डको थलो मात्र नभई सुधार र पुनर्स्थापनाको केन्द्रको रूपमा हेर्ने अन्तर्राष्ट्रिय अभ्यासलाई अङ्गीकार गर्नुपर्ने धारणा राखे । उनले भने, ‘नेपाल सरकारले केही सुधारात्मक कार्यक्रम ल्याए पनि ती प्रभावकारी देखिएका छैनन् । अन्तर्राष्ट्रिय अभ्यासमा कारागारलाई दण्डको मात्र थलो नभई सुधार र पुनर्स्थापनको केन्द्रको रूपमा हेर्ने प्रचलन छ । संयुक्त राष्ट्रसंघको मानव अधिकार उच्चायुक्तको कार्यालयको मापदण्डअनुसार तथा अन्तर्राष्ट्रिय न्यायालयले कैदीबन्दीलाई यातनारहित वातावरण, न्यायोचित व्यवहार, स्वास्थ्य, शिक्षा र पुनर्स्थापनको अधिकार सुनिश्चित गर्नुपर्ने व्यवस्था गरेको छ । नेपाल यीमध्ये धेरै सन्धिहरूको पक्ष राष्ट्र भएकोले कानुनी रूपमा प्रतिबद्ध र बाध्य छ ।’
