न्याय निरुपण विधेयकलाई अगाडी बढाउन तीन ठूला दल भए सहमति
थर्ड पोल
0
1.
सङ्क्रमणकालीन न्याय निरुपणसम्बन्धी विधेयकमाथिको छलफलमा प्रमुख तीन ठूला दलबीच सहमति जुटेको छ।
बालुवाटारस्थित सभामुख देवराज घिमिरेको निवासमा बसेको बैठकमा दलहरुबीच सङ्क्रमणकालीन न्याय निरुपणसम्बन्धी विधेयकलाई न्यायपूर्ण र सर्वस्वीकार्य बनाउने सहमति भएको हो।
उक्त बैठकमा दलहरुबीच सोहि विधेयकका विषय र प्रक्रियामा पुनः छलफल गर्ने सहमति भएको सभामुखका प्रेस संयोजक शेखर अधिकारीले जानकारी दिए। उनको अनुसार विधेयकलाई अगाडि बढाउने, सदनलाई प्रभावकारी बनाउने विषयमा सभामुख घिमिरेको संयोजनमा नेपाली कांग्रेस, नेकपा (एमाले) र नेकपा (माओवादी केन्द्र)का शीर्षनेता छलफलमा जुटेका हुन्।
अब अर्को बैठक आगामी वैशाख १ गते अपराह्न १ बजे सिंहदरबारमा बस्ने जनाइएको छ।
