भरतपुरमा गठबन्धनबाट बाहिरियो जसपा
Admin@Thirdpole 
जनता समाजवादी पार्टी (जसपा) भरतपुर महानगरपालिकामा भएको पाँच दलिय गठबन्धनबाट बाहिरिएको छ। जसपाले मंगलबार विज्ञप्ति जारी गर्दै पाँच दलिय गठबन्धनबाट बाहिरिएको जनाएको छ।
गठबन्धनको राजनीतिक महत्व, हैसियत, मर्म र भावना विपरित नेपाली कांग्रेस, नेकपा माओवादी केन्द्र र नेकपा एकीकृत समाजवादीले काम गरेको भन्दै जसपा गठबन्धनबाट बाहिरिएको हो।
साथै भरतपुरका २९ वटै वडामा अध्यक्षसहित सदस्यहरुमा एकलौटी रुपमा बाँडफाँड गरिएको र बैठकहरुमा पनि नबोलाइएको भन्दै गठबन्धनबाट बाहिरिएको बताएको छ।
